اليوم إبتدى في القائد إبراهيم
حوال 10000 مصلي
وبعد الصلاه إبتدت الناس تتحرك متوجهه ناحية المنطقه الشماليه العسكريه كالعاده
والأعداد إبتدت تزيد لما المسيره عدت على المكتبه ودخلت شارع بورسعيد، إنضملها أعداد كبيره جدا من الناس
زي ماهنشوف في الفيديو ده
وبدأت هتافات بتطالب بسرعة المحاكمه، زي: الشعب يريد، محاكمة السفاح
القصاص، القصاص
إعدموه إعدموه، تبقى خيانه لو هربتوه
وبدأت أعداد الناس تتراوح مابين 30-50 ألف والناس بتنزل من البيوت
لحد ما المسيره وصلت لحد المنطقه الشماليه العسكريه، عشان تلاقي ناس مستنياها في المنطقه الشماليه من الصبح
وطلع واحد يتكلم عن محاكمات المدنيين العسكريه
بعدها بدأت هتافات شديده: يسقط يسقط، حكم العسكر
وغيرها من الهتافات المطالبه بإعدام الرئيس والإفراج عن المدنيين المعتقلين في السجون العسكريه
وهتافات موجهه للإخوان المسلمين: الإخوان فين؟ الشعب المصري أهو
وطبعا اليوم ماكانش ينفع يخلو من وجود الوايت نايتس ودورهم الحماسي في إسكندريه زي القاهره
وغنوا كالعاده أغانيهم المشهوره
مش ناسيين التحرير ياولاد الوسخه
دي الثوره كانت بالنسبالكو نكسه
هنروح ونقول لمين؟
ظباط معرصين
أخدتوا علقه ماخدتوهاش لسنين
وأغنية
يامجلس عسكر عالي رد علينا
بتقولوا عدل وحق وتظلموا فينا
إخواتنا المحبوسين
في سجونكم مظلومين
مش هنسمح برجوع نظام الفاسدين
وبناءا على كلام معظم الناس، إن اليوم كان ناجح جدا في إسكندريه زي القاهره
@3rabiaton2na : من الآخر كان يوم رائع ومفيش حد همس الجيش والشعب ايد واحدة كنا بنقول الشعب والشعب ايد واحدة والاعداد كانت مبدعه
وأكتر حاجه طمنتني اليوم، إن معظم الناس كان عندها وعي كامل وفاهمه هي نازله ليه وعايزه تعمل إيه، مش محتاجين حد يوجههم
وده حسسني فعلا إن إحنا لسه عندنا القدره نحمي ثورتنا، سواءا من المجلس العسكري أو الإخوان أو أي حركه أو حزب أو حاجه في البلد بتهدد إستقرار الثوره
وشخصيا وجودي في التحرير النهارده، أنعش روح الثوره اللي جوايا من جديد
تحيا الثوره :)
شكرا ل
لمساعدتهم في جمع المعلومات عن اليوم من إسكندريه
No comments:
Post a Comment