حديث الشارع طول الأسبوع اللي فات ده، التعديلات الدستوريه اللي هيتم اللإستفتاء عليها يوم 19 اللي هوه بكره
وأكيد أكتر سؤالين بتسمعهم وإنت ماشي في الشارع.. هتشارك في اللإستفتاء؟ هتقول آه ولا لأ؟
الفكره مش في إنك هتختار إيه، لإن أيا كان إختيارك، فلك مطلق الحريه
بس المهم تكون عارف وفاهم، إنت ليه هتقول آه، أو ليه هتقول لأ.. لإن صوتك أمانه وواجب تجاه بلدك
عادة مابحبش أشرح مواقفي ولا بهتم أبين وجهات نظري لحد.. وخصوصا في وضع زي اللي إحنا فيه دلوقت ده
وأنا أصلا ضد توجيه الناس وتغييبهم وإلغاء عقولهم، زي مابيعمل الإخوان والسلفيين والتلفزيون المصري والبابا وقنوات نجيب ساويرس وغيرهم من الناس اللي ليهم مصداقيه في الشارع المصري وعند البسطاء
كل إنسان عنده عقل يفكر بيه، ومن حق كل إنسان إن ماحدش يشخ خراءه في دماغه
بس أنا هوضح وجهة نظري مش أكتر، ومش بدعوا الناس لحاجه، غير إنهم يفتحوا عقولهم شويه ويفكروا لنفسهم
...
الدستور
الدستور بيستمد شرعيته منين؟ الشعب مصدر السلطات
طب الثوره من الأول كانت عايزه إيه؟ الشعب، يريد، إسقاط النظام
وإيه هوه النظام بقى؟ النظام هو الرئيس والدستور والقوانين واللوائح ومجلسي الشعب والشورى والمجالس المحليه والوزارات والمؤسسات والهيئات التابعه لها والإعلام الموجه والصحف القوميه المسيسه.. الشعب أراد إسقاط النظام الفاسد، وليس تعديل النظام
...
نعم، لو كلنا قولنا نعم ونزلنا وافقنا على التعديلات
هنقول نعمل ليه؟
عشان كفايه لحد كده؟ عشان المدارس والكليات ترجع؟ عشان الأشغال والمصالح تمشي؟ عشان الإستقرار؟
أصل ماينفعش نقوم بثوره عشان نغير كل حاجه غلط، وفجأه نقف قبل النهايه بشويه، عشان زهقنا والمدارس لازم ترجع والجيش تعب ولازم ينام بدري
ماينفعش نوقف الثوره دلوقتي عشان الإستقرار، طب ماحنا من الأول عارفين إن الثوره فوضى
وعشان توصل لأعلى القمه، لازم تبدأ من أسفل القاع
نعم بقى نفسها، هتعمل إيه؟
إنت لما تنزل تقول نعم، الإستقرار مش هييجي بكره الصبح
وجود الجيش في الشوارع من عدمه، مش من علامات الإستقرار
(الجيش اللي نزل مصر كلها ده الجيش الثالث اللي وظيفته حتى في وقت الحرب هوه تأمين البلد من الداخل، يعني كل مافي الأمر إننا بنديهم تدريب عملي مش أكتر)
سواءا المجلس العسكري قعد 6 شهور أو سنتين، بمجرد م الأمن يبدأ يستتب تحت إيد الشرطه، الجيش هيبدأ ينسحب من الشوارع، الموضوع ده هيحصل في ظرف شهرين ل ثلاث شهور أيا كانت نتيجة الإستفتاء
يبقى إستقرار أوضاع وحال البلد مالوش أي علاقه بالإستفتاء
نرجع بقى للإستفتاء تاني
طب التعديلات اللي إحنا هنوافق عليها دي، هتعمل إيه؟
المواد اللي إتعدلت دي، بتختص بإيه؟
هل عدلت سلطات الرئيس؟
هل عدلت سبل ووسائل مكافحة الفساد؟
هل؟ هل؟ هل؟ هل؟
نعم، التعديلات دي حسنت فقط طريقة إختيار الرئيس
ماينفعش ننسى برضو إن مواد الدستور دي هي اللي خلقت لنا الديكتاتور اللي حاربنا ضده ووقع من مئات الشهداء قدام عنفه وسلطاته الجباره، اللي منحاله الدستور اللي إحنا هننزل نوافق عليه
يعني إحنا دلوقتي منحنا حق إختيار ديكتاتور جديد، ولكن بطريقه أكثر ديمقراطيه
طب الناس هتقولي، ما الدستور الرئيس الجاي هيعدله
طب أنا إيش ضمني إن الرئيس الجاي هيعدل، وماتقوليش ميدان التحرير موجود
طب أنا ليه أوقف حربي وأخاطر بإني ممكن أضطر أبدأ واحده تانيه بعدين، في وقت ممكن أخلص فيه الحرب دي دلوقتي وللأبد
طب أنا لو قولت نعم، إنتخابات مجلس الشعب الجايه اللي هتتعمل دي
مين أجهز وأقوى المرشحين والأقرب إنهم يكسبوا فيها؟
بقايا الحزب الوطني، والإخوان المسلمين
يعني هنبقى بنختار مابين الفساد والتطرف، يعني وقعنا مابين نارين
يبقى مجلس الشعب هيسيطر عليه أغلبيتين مش بيمثلوا جميع فئات الشعب
والرئيس اللي هنختاره هيبقى بنفس السلطات الإلهيه، ومافيش أي ضمانات
...
طيب لو قولنا لا، وكملنا الثوره وأسقطنا الدستور
هتتشكل جمعيه تأسيسيه ويعلن دستور مؤقت، ويبدأ تشكيل دستور جديد
وهوه ده الإمتداد الطبيعي للثوره
مش هقول إن الحياه هتبقى ورديه بمجرد مانبدأ، لأ المشوار طويل ومحتاج صبر
بس ماحدش قال إن الثوره حاجه سهله أو نزهه خاليه من المعاناه
الثوره طبيعي إن بيتبعها فوضى وفترات من عدم الإستقرار
بس النتيجه هتبقى مستقبل أفضل لبلدنا وللإجيال القادمه
مش هقعد أقول ماننساش دم الشهدا وكده، الشهدا ربنا هوه اللي مش هينساهم
بس هقول عشان إحنا واللي بعدنا نعيش أحسن، وعشان كل اللي عملناه ده مايروحش هدر
أنا هنزل أقول لأ
عشان مابقاش غيرت رموز النظام الفاسد، وسيبت النظام نفسه
أنا هنزل أقول لأ
عشان الحريه والديمقراطيه، مش نزاهة إنتخابات بس
أنا هنزل أقول لأ
عشان من حق الناس البسيطه، تغلط وتتعلم تمارس حقوقها وتأدي واجباتها، في مناخ ديمقراطي صحي
أنا هنزل أقول لأ
عشان تبقى القوه والسلطه للشعب وبالشعب ومن الشعب
أنا هنزل أقول لأ
عشان أنا عايز أكون بني آدم وليا حقوقي وإحترام
أنا هنزل أقول لأ
لأ، أنا عايز دستور جديد
وفي نهاية الأمر
لك مطلق الحريه في الإختيار، طالما هوه إختيار عقلك أنت وحدك
الفكره مش في إنك هتختار إيه، لإن أيا كان إختيارك، فلك مطلق الحريه
بس المهم تكون عارف وفاهم، إنت ليه هتقول آه، أو ليه هتقول لأ.. لإن صوتك أمانه وواجب تجاه بلدك
عادة مابحبش أشرح مواقفي ولا بهتم أبين وجهات نظري لحد.. وخصوصا في وضع زي اللي إحنا فيه دلوقت ده
وأنا أصلا ضد توجيه الناس وتغييبهم وإلغاء عقولهم، زي مابيعمل الإخوان والسلفيين والتلفزيون المصري والبابا وقنوات نجيب ساويرس وغيرهم من الناس اللي ليهم مصداقيه في الشارع المصري وعند البسطاء
كل إنسان عنده عقل يفكر بيه، ومن حق كل إنسان إن ماحدش يشخ خراءه في دماغه
بس أنا هوضح وجهة نظري مش أكتر، ومش بدعوا الناس لحاجه، غير إنهم يفتحوا عقولهم شويه ويفكروا لنفسهم
...
الدستور
الدستور بيستمد شرعيته منين؟ الشعب مصدر السلطات
طب الثوره من الأول كانت عايزه إيه؟ الشعب، يريد، إسقاط النظام
وإيه هوه النظام بقى؟ النظام هو الرئيس والدستور والقوانين واللوائح ومجلسي الشعب والشورى والمجالس المحليه والوزارات والمؤسسات والهيئات التابعه لها والإعلام الموجه والصحف القوميه المسيسه.. الشعب أراد إسقاط النظام الفاسد، وليس تعديل النظام
...
نعم، لو كلنا قولنا نعم ونزلنا وافقنا على التعديلات
هنقول نعمل ليه؟
عشان كفايه لحد كده؟ عشان المدارس والكليات ترجع؟ عشان الأشغال والمصالح تمشي؟ عشان الإستقرار؟
أصل ماينفعش نقوم بثوره عشان نغير كل حاجه غلط، وفجأه نقف قبل النهايه بشويه، عشان زهقنا والمدارس لازم ترجع والجيش تعب ولازم ينام بدري
ماينفعش نوقف الثوره دلوقتي عشان الإستقرار، طب ماحنا من الأول عارفين إن الثوره فوضى
وعشان توصل لأعلى القمه، لازم تبدأ من أسفل القاع
نعم بقى نفسها، هتعمل إيه؟
إنت لما تنزل تقول نعم، الإستقرار مش هييجي بكره الصبح
وجود الجيش في الشوارع من عدمه، مش من علامات الإستقرار
(الجيش اللي نزل مصر كلها ده الجيش الثالث اللي وظيفته حتى في وقت الحرب هوه تأمين البلد من الداخل، يعني كل مافي الأمر إننا بنديهم تدريب عملي مش أكتر)
سواءا المجلس العسكري قعد 6 شهور أو سنتين، بمجرد م الأمن يبدأ يستتب تحت إيد الشرطه، الجيش هيبدأ ينسحب من الشوارع، الموضوع ده هيحصل في ظرف شهرين ل ثلاث شهور أيا كانت نتيجة الإستفتاء
يبقى إستقرار أوضاع وحال البلد مالوش أي علاقه بالإستفتاء
نرجع بقى للإستفتاء تاني
طب التعديلات اللي إحنا هنوافق عليها دي، هتعمل إيه؟
المواد اللي إتعدلت دي، بتختص بإيه؟
هل عدلت سلطات الرئيس؟
هل عدلت سبل ووسائل مكافحة الفساد؟
هل؟ هل؟ هل؟ هل؟
نعم، التعديلات دي حسنت فقط طريقة إختيار الرئيس
ماينفعش ننسى برضو إن مواد الدستور دي هي اللي خلقت لنا الديكتاتور اللي حاربنا ضده ووقع من مئات الشهداء قدام عنفه وسلطاته الجباره، اللي منحاله الدستور اللي إحنا هننزل نوافق عليه
يعني إحنا دلوقتي منحنا حق إختيار ديكتاتور جديد، ولكن بطريقه أكثر ديمقراطيه
طب الناس هتقولي، ما الدستور الرئيس الجاي هيعدله
طب أنا إيش ضمني إن الرئيس الجاي هيعدل، وماتقوليش ميدان التحرير موجود
طب أنا ليه أوقف حربي وأخاطر بإني ممكن أضطر أبدأ واحده تانيه بعدين، في وقت ممكن أخلص فيه الحرب دي دلوقتي وللأبد
طب أنا لو قولت نعم، إنتخابات مجلس الشعب الجايه اللي هتتعمل دي
مين أجهز وأقوى المرشحين والأقرب إنهم يكسبوا فيها؟
بقايا الحزب الوطني، والإخوان المسلمين
يعني هنبقى بنختار مابين الفساد والتطرف، يعني وقعنا مابين نارين
يبقى مجلس الشعب هيسيطر عليه أغلبيتين مش بيمثلوا جميع فئات الشعب
والرئيس اللي هنختاره هيبقى بنفس السلطات الإلهيه، ومافيش أي ضمانات
...
طيب لو قولنا لا، وكملنا الثوره وأسقطنا الدستور
هتتشكل جمعيه تأسيسيه ويعلن دستور مؤقت، ويبدأ تشكيل دستور جديد
وهوه ده الإمتداد الطبيعي للثوره
مش هقول إن الحياه هتبقى ورديه بمجرد مانبدأ، لأ المشوار طويل ومحتاج صبر
بس ماحدش قال إن الثوره حاجه سهله أو نزهه خاليه من المعاناه
الثوره طبيعي إن بيتبعها فوضى وفترات من عدم الإستقرار
بس النتيجه هتبقى مستقبل أفضل لبلدنا وللإجيال القادمه
مش هقعد أقول ماننساش دم الشهدا وكده، الشهدا ربنا هوه اللي مش هينساهم
بس هقول عشان إحنا واللي بعدنا نعيش أحسن، وعشان كل اللي عملناه ده مايروحش هدر
أنا هنزل أقول لأ
عشان مابقاش غيرت رموز النظام الفاسد، وسيبت النظام نفسه
أنا هنزل أقول لأ
عشان الحريه والديمقراطيه، مش نزاهة إنتخابات بس
أنا هنزل أقول لأ
عشان من حق الناس البسيطه، تغلط وتتعلم تمارس حقوقها وتأدي واجباتها، في مناخ ديمقراطي صحي
أنا هنزل أقول لأ
عشان تبقى القوه والسلطه للشعب وبالشعب ومن الشعب
أنا هنزل أقول لأ
عشان أنا عايز أكون بني آدم وليا حقوقي وإحترام
أنا هنزل أقول لأ
لأ، أنا عايز دستور جديد
وفي نهاية الأمر
لك مطلق الحريه في الإختيار، طالما هوه إختيار عقلك أنت وحدك
No comments:
Post a Comment