رسميا سقطت ب 6 مواد .. الحمدلله والشكر ليك يارب
وعلى عكس ما كنت متوقع، ماتضايقتش إطلاقا
لو بصينا للموضوع من الجانب المشرق، أنا جيبت أعلى تقدير في أصعب ماده عندي .. يمكن سقطت، بس بشياكه
يمكن سقوطي هوه نوع من الثوره الداخليه، على العرف السائد في المجتمع، إن أنا ماينفعش أسقط
يمكن هوه تحد لنظم الجامعه الباليه وإنتصار عليها
يمكن أنا مش فاهم سر الإنشكاحه الغريبه اللي بمر بيها
بس أنا فعلا مستمع باللحظه المميزه دي .. أول مره أفشل في حاجه من 19 سنه
مش زعلان إطلاقا
من حقي أجرب الشعور ده
مش زعلان إطلاقا
من حقي أجرب الشعور ده
من حقي أوصل للقاع عشان أنعش حماسي وأنطلق للقمه من جديد
من حقي أجرب كل حاجه في الحياه .. حتى الفشل
من حقي أثبت، إن الكليه مش كل حاجه في الحياه
من حقي أصدق إن الدنيا أكبر من شهاده، وإن الحكومه مش هتتحكم في مصيري
من حقي أقول بعلو الصوت
بدون زعل، وبكل فخر .. أنا ساقط في الجامعه في مصر
عادي يابني السقوط للرجاله انا شخصياسقطت اول سنه في حياتي في رابعه كليه وكانت اتفه سنه وكان شعور غريبوعادي احساس مختلف واعتبر ده ده ياباشا قربان الثوره بس انا حاصلي حاجه اتمني انك تتخطها السنه الجايه باذن اله انا ماعرفشي نوع دراستك بس انا كنت ببقي داخل امتحانات سنه خامسه وشبح السقوط قدامي يعني تقدر تفقول بعد السقوط بيبقي فيه شويه اهتزاو في الثقه
ReplyDeleteوالله كلام ابداع في ابداع يا عمر واحنا شفنا كتير من انظمة التعليم الخره دي واطمن احنا معاك مش انت لوحدك الي شلت كلنا شلنا
ReplyDeleteعادي جدا انا سقط سنتين في الجامعه و مش بيصححوا ورقي و بيحطولي نفس الدرجات و علي امل بعد ما خلصت امتحانات الدور التاني من يومين انهم يفرجوا عني بقي و ينتعوني بالسلامه منها :) الكليه مش مقياس
ReplyDelete