صوره من بين كل الصور اللي ممكن تمر علينا
معظمنا مش حياخد باله هي فين
وحتى اللي هياخد باله مش هيوصل بفكره او هيهتم بمعناها
شوية اطفال مع امهاتهم اللي المفترض انهم "مدارس" وقدوه لاطفالهم
المكان ده في حديقة الازهر في القاهره
مش عارف أعلق بايه ولا اقول ايه
لا تقدير لاي نوع من انواع القيم الثقافيه والجماليه ولا وجود للفكر المتحضر
لما احنا مش قادرين نحافظ على منظرنا ونظافة بركه صغيره ذات قيمه فكريه نوعا ما
يبقى عايزين نحافظ ع البلد ازاي
بس احنا كده ديما شعب متواكل لا يتحمل المسؤوليه
كل حاجه نقول الحكومه الحكومه الحكومه
اه الحكومه عليها جزء وجزء كبير كمان
بس ده مايمنعش ان احنا عندنا مشكله ضخمه في العقليه الثقافيه والفكريه المترديه بشده
والنشطاء والمثقفين والمدونين وغيرهم كلهم عايشين ادوار الابطال وبيطالبوا بالتغيير وكأنها بقت شطاره انك تعمل فيها بوب وفاهم فالسياسه
غطرسة جهل
صدقوني تغيير الحكومه عمره ماهيجيب نتيجه طول ما الشعب بيفكر بنفس الاسلوب والطريقه
لازم نغير من نفسنا ع المستوى الداخلي وبعدين نفكر في التغيير الخارجي الكبير
عشان نقدر نفيد البلد ونقودها فالمسار السليم
مصر بجد محتاجه شباب واعي ومثقف وبيفهم
مش يبقى 2 في الالف خايفين ع البلد والباقي مابيفهمش
لا ال 2 دول هما البايظين وباقي الالف هما نواة المستقبل
حبوا بلدكوا وخافوا عليها وبصوا لقدام
اتمنى تكونوا فهمتوا القصد
وعرفتوا ليه مصر مش بتتقدم بينا
No comments:
Post a Comment