هذه وصيتي إليكم

إسمي عمر ماجد أحمد

شاب مصري من إسكندريه

بعد كل الشهداء اللي ماتوا ولسه بيموتوا عشان ثورتنا تفضل حيه والوطن يعيش حر

قريت دعوه ع النت لإن كل واحد فينا مستعد يضحي بحياته عشان وطنه،، يكتب وصيته

أنا وصيتي مش كبيره ولا حاجه،، أنا ماعنديش أي أملاك أصلا غير حب البلد دي

بس كل اللي طالبه لو أعزني الله بـ الشهاده، إني أتكفن بـ علم مصر، وأتمنى لو أتدفن في الحته اللي أنا إتقتلت فيها

وأهم طلب هطلبوا منكوا،، ماحدش يبكي عليا .. عايزكوا تبقوا مبتسمين وعندكوا عزيمه تكملوا للهدف اللي أنا مُت عشان نوصله

كل شهيد بيقع مننا، مش بينقصنا،، لأ ده بيزيدنا إيمان بعِظَم الغايه اللي بـ نسعى كلنا ليها

الحريه غاليه،، الحريه تمنها الدم

هذه وصيتي إليكم،، والله على ما أقول شهيد


ملحوظه: أسمح بالتبرع بكل أعضائي لمن يحتاجها من مصابي الثوره